عبدالوهاب مجبور اوغلی سوَرش 1365 ینچی ییل کابل شهری نینگ خیرخانه ناحیه سیگه بیر ضیالی عایله گه دنیا گه کیلدی. او دستلبکی تعلیماتی نینگ اوشه ییرده توگه تیب، کیین جوزجان ولایتی شبرغان شهری ده کوچمن کیلیب جنرال حکیم لیسه سی گه اوقیبش گه کیردی. او 1388 ینچی ییل او لیسه نینگ توگه تیب، یوقاری بیلیم آلیش اوچون سرپل ولایتی نینگ معلم تربیه لش عالی موسسه سی گه اوقیش گه کیردی. 1391 ینچی ییل عالی موسسه دن فارغ بولیب سرپل ولایتی نینگ زراعت ریاستی گه رسمی ایشگه باشله دی. او بیراز مدت دن سونگ رسمی دولتی ایشیدن استعفاء بیریب شخصی ایش بیلن شغل نیب کیلدی. او یَویغ مدت لر ویزه اساسی ده قوشنی ترکیه جمهوریتی گه کیتیب استانبول ولایتی نینگ زیتون بورنو شهری گه یشه باشله دی. 1391 ینچی ییل جدی آی نینگ 13 ینچی سی گه قدر اوزی قاله بیرسه تورت وطنداش اورتاقلری بیلن گاز آلیب بارچه اورتاق لری بیلن عالم دن کوز یومدی.

سوَرش مجبور، مجبور نینگ ایکینچی فرزندی بولسه هم او فرزند لری نینگ اراسیده بیلملی، سخن دان، ذهنی اوتکیر عالی فراست گه ایگه فرزند لریدن بیری ایردی.

مین سوَرش نینگ بی محل وفات ایتکن لری نینگ برچه ایل اولوسیم اوچون کته المی حادثه حسابلب او کیشی نینگ اره میزدن یوق لیگی نی اولکن ضایعه دیب بیله من. اداغده اول رحمتلی نینگ روحینی شاد، یاتگن جاینی بهشت و قالگن عزیز عایله سیگه تینگری تعالی درگاهیدن اوزاغ عمر و صبر جمیل استدعا ایته من.     ومن الله التوفیق

اوشبو مرثیه عبدالوهاب مجبور نینگ سیویملی فرزندی، سوَرش نینگ حقیده یازیلگن:

مرثیه

فـرقـتـیـنگ اوتـیـغـه بـغـریـمـنـی کـبـاب ایتینگ سوَرش

خـانـۀ عیـش نـشاطـیـم نـی خــراب ایـتـیـنـگ سوَرش

جَـوره تـیـب حــالِ دلـیـمـنـی ایـلـه دیــنـگ زار و زبــون

یـیـغلـه تیب ایکّی کوزیمنی سین پُرآب ایتینگ سوَرش

درد هـجــریـنـگـدن تـون و کـون اِچـکـانـیـم زهـرابـه دور

ایمیشم نی تـا تیریک دور مـن خـونـاب ایتینگ سوَرش

قیسی بیر دردِ دلـیـمـنـی سیـن گـه ایــلایـیـیـن بـیـان

چونکه سین رنج غمیمنی بی حساب ایتینگ سوَرش

ایـنـدی مـیـنـدن سورمه گـیل نـام و نشانـیـمنی بَلـَم

تـا قـیـامـت غـرقــه انـدر مُنـجـلاب ایـتـیـنـگ سوَرش

بیلمادیم نـی علت و نـی بـاعث ایـردی مـونـچـه تـیـز

عـالـم عقبی گـه سیـن عــزم شتـاب ایتینگ سوَرش

هر کیشی سورسه حالینگنی مـیـنـدن ای آرام جـان

نـی دیـاریـمـنـی بیـلالـمـام لاجـواب ایـتـیـنگ سوَرش

قالدی محشر کونده کورماغیم یـوزیـنـگـنـی ای بـَلـَم

چون کفندین آی یوزینگگه سین نقاب ایتینگ سوَرش

حفیظی جوزجانی دن.