ياشليگيم ، اينيقسه ۷ - ۱۲صنف لرده اوقوچيليک دوريم و اوندن کيين کابل اونيورسيتیده محصل ليگيم دوری ، افغانستانده تورکی خلقلر جمله دن اوزبیک خلقی اوچون آغير ملی ستم و ملی محروميت زمانلری ايدی. اوشه دورنينگ قيين شرايط لری محصولی بولميش الملی تويغو لر ، «مناجات» شعرينی يازيشيمگه تورتکی بولگن ايدی . اونی باشلب يرمیگه چه ييتکزديم . مين شعری اسلوبده خلقيميز نینگ فخرلی ، اما آغیر اوتميشینی کورسه تيش بيلن بيرگه ، ايرکين ليک و يوتوقلرینی تصويرلماقچی ايديم . ليکن اوزبيک خلقی و تورکی خلقلر نينگ کيله جگی ابهام پرده سی آستيده تورگنی ، پارلاق کيله جکنی بشارت قيليش اوچون مينگه امکان بيرمسدی . شو سببلی شعر اوزاق مدت ناتمامليگی چه قاليب کيتدی . کوپ ييل لر اوتيب ۱۹۹۱ ييل اوزبيکستان و اورته آسیاده گی باشقه قرداش دولتلر نینگ مستقل ليگی اعلان قيلينيشی ، خلقیمیز نينگ پارلاق کيله جگی يونلنيشینی بيلگیلب بيردی . مين بو تاريخی حادثه دن الهام لنيب ، قريب ۳۳ ييلدن سونگ «مناجات» شعرينی توگتيشگه موفق بولديم و اونی اوزبيکستان مستقل ليگی نينگ بير ييل ليگیگه بغيشله ديم.

مناجات 

ای کـــرمـيـنـگ ديـنـگـيــزی پـايـانـی يـوق

رحـمـت و فـضـل و نـعـمـينگ سـانی يوق

بـــارلــيـغـيــنــی سـيــنـدن آلـور کـايـنـات

جــلـوه لـريـنـگ کـوزگـوسيـدور بـو حـيـات

کـوکـده کـواکـب باريسی دور سـيـنـيـنگ

تـيـنـگ ايـمـس سـانـيـگـه مـليـار و مینگ

بــاشـلـنـيــشـيـنـگ دور ازلــيــت بـيـلــن

هـــمــده وجــوديــنـگ ابـــديـــت بــيـلـن

ايـسـتر ايـسنـگ يـيـر يـوزی گـلـدن تولور

ايسته مه سنگ کون و مکـان يوق بولور

سـيـن قـويــوبــان تـــاج بـيــراو باشيـگـه

ابـهـت و شـوکــت بـيـريـبـان قـاشـيـگـه

اوزگـــه نـــی مـغـلـوب و اسير ايلـه بـان

ايــل ايـچـيـده خـوار و فــقـيــر ايـلـه بـان

عـشـق اوروغـيـنـی ساچـيـب آفـاق ارا

غـلـغـلـه سـالـيــب بـو کــهــن طـاق ارا

سـيـوگــی مـقـامـيـنـی بـلـند ايـلـه بان

جــاذبــه سـين دلـگـه کـمـند ايـلـه بـان

گــاه بـيـراونـی يـره تـيـب گــل کــبـــی

ايــلـنـی قـيلـيـب عشقـيده بـلـبل کبی

کـيلـتـيريبـان قـيــش کـيـتـيـدن نـوبـهـار

گـل لــر آچـيـب يـيـر يـوزيـده بـی شمار

گــــاه مــکـــدر قـيــلـيــبـان نــــورنــــی

يـــاريــتـيـبـان گــه شــب ديــجــورنــی

ای ازلــــيـــت خــطــی نـيـنـگ راقـمي

وی ابـــدی کـــون و مــکــان حـاکـمـی

بــاشــلـنـيـشی بــرلــه حـيـات جـهـان

تــورک اولــوســيـغـه بـولـوبـان مهـربـان

آتـيـنـــی مشـهـور جـهـان ايـلــديــنــگ

اولــکــه سيـنـی رشک جُـنـان ايلدینگ

بـاشـیـگـه قـويـديـنـگ عـظمـت تاجينی

يـيـغـديـريـبـان بـرچـه جهـان بـاجـيـنــی

يــول بـيـريـبـان اونـگـه ظـفـرلـر تـامــان

عــالــم ارا قـيـلـديـنـگ اونــی قـهـرمان

هـيـبـتـيـدن يـيـر يـوزيـنـی تـيـتـره تيـب

يـيـر يـوزی بـيـرلـن اوزيـنـی تـيـتره تيب

گــاه اوروشـيـب ، گـاه يـشب خوفسيز

قــالـديـريـبـان اوشـبـو جهـان اوزره ايــز

اوزلـيـگـيـنـی ايـلـگـی گـه آلـگـچ قـلـم

ايـلــه بـان «اورخون» خطی بيرلن رقم

اوز تـيـلـی قـورغــانـيـنـی آبـاد ايـتـيـب

خلـقنی«ديوان»[1] يره تيب شاد ايتيب

خـامـه سـاری سـونگره اوزاتيب ايليک

يـازدی تـفـکـرلـه «قـوتـادغـو بیلیک»[2]

«خمسه»[3] يازيب شاه اثر انعام ايتيب

ايـلنـی«وقـايـع»[4] يـره تـيـب رام ايتيب

عـلــم و فــنــی شـهــرۀ آفــاق اولــوب

صنعتـــی هـم دهـر ارا طـاق اولــوب

خـيــوه ، سـمـرقـنـد و اولـوغ آقـسرای

شـوکـتيدن هـر بيری بـيـر يـارقــين آی

لــيــک دريــغــا ، الــمـــا ، حــسـرتـا !

تـوغـدی بـو دهـر آنه سی کوب ماجرا

عـصـرلــر اوتگچ بــو اولـوغ خـلــق ارا

يــاغـديـريـبـان تـفـرقــه تـاشـين سما

خـيـره قـيـلـيـب ايـککـی کورر کوزينی

تـيـز اونـيـتـيـب اوزليـگـيـنـی- اوزيـنـی

اوزبـيـک اولـوب ، قيرغيز و هم ترکمان


دوامی شو آدرس آرقلی ( http://bayanifoundation.blogfa.com/post-125.aspx  )