اوشبو کتاب نینگ بیلگی لری :

مولانا جلال الدین محمد بلخی رباعیلری دیر. صحیفه لری سانی 133 و بیچیمی 13 و 21 سانتی متر بولیب، آق کاغذ ده کابل شهریده گی باسمه خانه لردن بیریده، بیر مینگ نسخه ده باسیلگن .

کتاب نینگ بیرینچی صحیفه سیدن بیشینچی صحیفه سی گچه مترجم شاعر (دکتور شفیقه یارقین) نینگ سوزی و آلتینچی صحیفه دن ییگیرمه آلتینچی صحیفه گچه محمد حلیم یارقین تامانیدن یازیلگن کیریش سوز جای آلگن .

اثر نینگ آتی مولانا جلال الدین محمد بلخی نینگ تورتلیکلری ایلک مرته افغانستان اوزبیکلری اوچون خانم شفیقه یارقین تمانیدن ترجمه بولگن .

محمد حلیم یارقین یازگن کیریش سوز ده مولانا جلال الدین محمد بلخی- رومی نینگ قیسقه چه شرح حالی، اونینگ تورک تبار بولگن لیگی، اثرلری، اثرلریده تورکی سوزلر، عباره لر، مصرعلر، بیت لر، تورکی – دری ملمع لر همده تولیق تورکی شعرلر بارلیگی حقیده سوز یوریتیلیب، مولانا نینگ تورکی شعرلریدن مثال لر کیلتیریلگن .

شونینگدیک انه شو کیریش سوز ده مولانا اثر لری نینگ تورکچه- اوزبیکچه ترجمه لری حقیده ییترلی و قیزیقرلی معلومات توپلنگن بولیب، اونده تورکیه و اوزبیکستان ده مولانا شناس لر عالم و شاعرلر تامانیدن قیلینگن مولانا اثرلری، اینیقسه شمس دیوانی و مثنوی معنوی نینگ تورلی تورکی و اوزبیکچه ترجمه لری حقیده به تفصیل توخته لیب، تورکچه و اوزبیکچه شرح و تفسیر لر، همده مثنوی نینگ مشهور شارح لر و مفسر لری تانیتیلگن .

کیریش سوز نینگ آخریده مولانا نینگ اثر لری افغانستان ده بیرینچی بولیب، دکتور شفیقه یارقین آرقه لی ترجمه قیلینگنی کورسه تیله دی .

افغانستان اوزبیک شعریتی نی بای ایتیش و افغانستان ینگی اوزبیک الفباسی نی قوللش ده توتکن اورنی و اهمیتی گه علیحده توخته له دی .

کتاب نینگ قالگن قسمی، یعنی 1- 107 صحیفه لریده مولانا نینگ دری رباعی لری و دکتور شفیقه یارقین نینگ اوزبیکچه شعری ترجمه سی اورین آلگن، یعنی جفت رقملی صحیفه لر ده مولانا نینگ رباعی لری و تاق رقملی صحیفه لرده اوزبیکچه ترجمه سی یوز مه یوز چاپ ایتیلگن.

بو ایش البته علیحده اهمیت گه ایگه، چونکه بیرینچی دن دری تیلیدن فایده لنوچی کتابخوان لر هم اوندن فایده لنه آله دیلر، ایکینچی دن اوزبیک تیلیدن فایده لنوچی کتابخوانلر هم اوندن فایده لنه آله دیلر و اوچینچی دن علم اهلی، اینیقسه مقایسی ادبیات و ترجمه حقیده تحقیق و ایزله نیش لر آلیب باره دیگان تحقیقاتچیلر گه علمی تحقیق لری اوچون بیر منبع صفتیده یاردم بیره دی .
قوییده شو کتاب نینگ صحیفه لریدن بیر اوزبیکچه شعری ترجمه نی سیز عزیز اوقووچیلر گه تقدیم ایته میز :

افـســوس، قــرا تــون دور و مــیــن مـن تنـهـا
بـیـــــر دیـنگــیز و ســـاحـلــی اوزاق، ناپیـدا
الــبتـه کـه کــیـمه م نـــی هــدایت قیلــگوم
حــق دینــگـیــزیـده، اگــر مــدد بیــرسه خدا
اول مــیــنی مـیـنـگ لـطـف بیلـه شـاد ایتـدی
آخـــر میـنی میـــنگ غــم بیــله بــرباد ایتدی
مــینـدن میــنی آلـــدی او، مــحـبـت بیــرلـــه
چــون او بــولـــدیــم، ظـلم نــی بنیـاد ایـتـدی
ای اول که یوزونگ قویاش کبــی یاروق، کیل
سیـن سیـز مینگـه دور باغ جهان ساروق، کیل
سیـن سـیز بـو جهان غبار و توپراق دور، کیل
سین سیز مینگه دورعیش وطرب ساووق، کیل
ای بــیــرگــوچی نــان گـه گـوهـر ایمان نــی
وی بــیــرگــوچـی بیر ارپه اوچون بیر کان نـی
کـونـگولنـی خلیل گه بیرمه دی چون نـمــرود
آخــر بیـردی چِـبـیـن گـه شــیریـن جـان نی
بـــیزنـــی قیــلـــــه ســن اوزاقـــدن نــظـاره
مــــیــن چــاره و عشق ایــرور مینگه بیچاره
جــــان کیـم؟ بیشیگیــمده بیــر کمینه کودک
دل کیــــم؟ ایشیگـــیمده بــیــر غـریب، آواره

بابر فرهنگی انجمنی نینگ سایتی دن آلینگن