مولانا لُطفی هروی نینگ اجتماعی حیاتی، کاظم امینی (ایکّینچی بولیمی)
او، اوز غزللریده نازك‌خیال‌لیكلر، نادر معنا و توشونچه‌لر، عاطفی احساس‌لرنی عالی تصویرلر واسطه‌سیده بیان ایتیش آرقه‌لی ادب‌سیور خلقیمیز نینگ استه‌تیك ذوقی یوقاری سطح‌گه كوتریلیشی اوچون كتّه معنوی خدمت قیلدی و ادبیاتیمیز تاریخیده مولانا لُطفی نینگ مقامی خیلی یوكسك و عالی دیر. (سید محمد عالم لبیب)
مأخذ و ایسلتمه‌لر
1- خواند میر، غیاث الدین «مكارم الاخلاق» كابل چاپی، 1360 ییل، 23 بیت.
2- خواند میر، غیاث الدین «حبیب السیر» جلد 4، ایکّینچی چاپ تهران 1353 ییل، 107 بیت.
3- بو تعبیر نی قوللـه‌نیشده خُجندی نینگ «لطافتنامه» سیده‌گی اوشبو بیت كوزده توتیلگن:
مـعـانـی ایـچـره شاهیـم قیـل یارارسن
آچونده هر نی قیلسانگ قیل، یارارسن
(مبارك نامه‌لر)، 45 بیت.
4- نوایی علیشیر «محاكمة اللغتین» دوكتور محمد یعقوب واحدی جوزجانی مقدمه سی بیلن، كابل 1363 ییل، 64 بیت.
5- رسولوف، حاجی‌مراد «لُطفی نینگ واقعه‌بند و یكپاره غزللری خصوصیده» اوزبیك تیلی و ادبیاتی، 1981 ییل، 10 سان.
6- اوشه اثر، 35 بیت.
7- ینه اوشه اثر 38 بیت.
8- لُطفی، سین سن سیوریم، تاشكینت 1985 ییل، 78 بیت.
ایسلتمه: بو مقاله بوندن 20 ییل ایلگری استاد سید محمد عالم لبیب قلمی‌گه یازیلیب مطبوعاتده ترقلگن ایدی و مین اوشبو بحث‌گه مناسبتی بولگنی اوچون اوشبو بحث‌گه قوشیمچه قیلدیم.(امینی)
مولانا لُطفی شعریتیدن پرچه‌لر:
كـــوزونـگ كــه لالـه و نــسریـن اوزه اوزالــه یـاتــور
خــتــن چـیـچـك لاری ایـچـره مـگــر غــزالــه یـاتـور
نی اویقوسی آغیر ایرمیش مینینگ بو بختیم نینگ
كه مونچه كیم قیلا دور كـونگـلوم آه و نـالـه، یـاتـور
كـونـگـول نـی نـار یـنـاقـیـنـگ اورتــار، انــی بــیــلا
یــوق ایـــسه یـازیـده چـنـدیــن هــزار لالــه یـاتــور
فـراق شــرحـیـنـی ارسـال قـیـلـغـالـی هـیـهــات !
رســول تـاپـمــان، جـیـبـیـمـده یـوز رسـالــه یـاتـور
كـیـم آنـچـه اغـریـق ییتار قـصـد لُطفی گــه سودا
قــچــان كــه بیلـیـده اول عـنـبـریـن كــلالــه یـاتـور
* * *
كوزونگ تیك كیـزگـوچـی عـیـاره یـوقـتـور
قاشینگ تیك بـیر ساری مـكـاره یـوقـتـور
فـسون لار بـیـرله ییر غمـزنگ، جـگر نـی
آنینگ تیك هم یـنـه خـونـخـواره یـوقـتـور
سینی كورمای اولار مـیـن گر یولوقسام
جـــنــون دیـــن طـاقـت نـظــاره یـوقـتـور
كـیـچـیـك آغـزینگ غمیده عاشقینـگـغـه
اولوق تینماقـدیـن اوز گـا، چـاره یـوقـتـور
كونگول لار دادیـگـا گـر چـاره قـیـلسانـگ
میـنیـنگ دیـك دیـنـیـده بـیـچاره یـوقـتـور
نـیـتـار لالـه تـــوروب پـایـانــده مــونـچـه
اویــاتــیـنــگــدیــن اگـــر آواره یــوقـتـــور
جفا كوپ قیلماكیم كونگلونگ مثل لـیـك
بو لُطفی جانـی سیندیك خـاره یـوقـتـور
* * *
پستـه دیـك آغـزیـنـگـا شكر دیـدیلار
غـیـب سُریـنـی مـخـتـصـر دیــدیـلار
دیـیـدیـلار عارضینگنی آی ایـلا-كون
شكـر نینگ یـوزیـنـه تـیـلار دیـدیـلار
یــوزونـگ آلـیـن قـیـامتـیـنی كـوروب
جـمـعـی الـشمـس و القـمر دیدیلار
قـیـلـغوچی بـار دیمیشلار آغزینگنی
كـور كـه یوق یـیرده نی خبر دیدیلار
وحـدت اهـلـی صفـای طـلعـتـونـگـا
پــرتــــــو مـــبـدأ الـصــور دیــدیـــلار
وصــف زلـف و رخیـنگـدا توشمایدور
هـر نیـچه شام ایلا سحـر دیـدیـلار
كیـم قـاشیگ نی هلاله مینگزاتتی
آنی عشق اهلی، كج نظر دیدیـلار
اهل سودا كونگول علاجـی اوچون
لب لعلیـنـگـنی گـل شكـر دیـدیـلار
تـوت قـولاق لُطـفی نینگ عبار تینه
كیـم آنـیـنـگ لُطـفینی گهر دیـدیلار
* * *
زلـفــونـگ نـی كـوروب قیلـدی كونگول میل زیـارت
اول ســلـسلـه غـه بـیـــردی روان، دســت ارادت
هــر كــیــم كـه شـهـیـد اولـمـادی دلبر قلیچیدین
بـیـچــاره بـاریـب تـاپـمـادی اول شـهــد شــهادت
ساچینگنی كوروب حلقه بگوش اولدی قاشینگدا
هــر كـیـم كـه اورار ایــردی ایــسه لاف سـیــادت
خــورشـیـد تـوغـار هـر كون اوشل آی باقیشیدین
اول كــونگـلاكـی گا حـقـنـی بلا بـیـردی سعـادت
قو تلوق ایاغینگ ییـرگا تیـكـیب دور انـیـنـگ چـون
ایـل یـیـرگـا قـویـوب بــاش، قـیـلور بـرچـه عـبـادت
نـی بـولـغـای اگر لُطفی بیچاره نـی سورسانـگ
كیم خیر ایشیدور خسته غه كیم كیلسا عـبـارت
* * *
سـیـن سـن سـیـوریـم خـواه اینان، خواه اینانمه!
قــانــدور جــگــریـــم خــواه ایــنـان، خواه اینانمه!
هـجـران كـیــچـه‌سـی چـرخ فلككـه ییتار ای ماه!
آه ســـحــریــم، خـــواه ایـــنـان، خـواه ایـنـانـمـه!
حـتـی كـه قلیچ كیلسه باشیمغه، ایشیكینگدین
یـوقـتـور گــذریـم، خــواه ایـنـان، خـواه ایــنـانمـه!
اوسـروك كـوزونگ اشكالینه هر گه نـظـر ایتـسام
قالماس خـبـریـم، خـواه ایـنـان، خـواه ایـنــانـمـه!
یعقوی بیكین كوپ ییغیدین قالمـادی سیـن سیـز
نــور بـصــریــم، خــواه ایـنــان، خــواه ایـنـانـمــه!
آی یـوزیـنـگـا كـوز سالـغـالـی اوزگا كیشی بیـرلا
یـوقـتـور نـظـریـم خـواه ایـنـان، خـواه ایـنــانــمـه!
عـشق اوتــیـدا لُطفی یوزی آلتون نی یاشـوردی
ای سیمـبـریـم خــواه ایـنــان، خـواه ایـنـانــمــه!
* * *
جـان یـیـتگـای ایـردی درد انـگـا همـراه بـولـمسا
دیــنـــی ده مــونـس غــم دلـخــواه بــولــمــسا
زلــف و یـوزونـگ فـراقـیـده عاشق نیتـار حـیـات؟
آن‌سیـز كـیـراك كـه سـال، داغـی مــاه بـولمسا
كـونـگـلـوم یـاریـلـمـغـای ایـدی آنـیـنگ فراقـیدین
ایــوای اگــر بــو كــوز یـاشـیـنـی آه بـــولــمــسا
دلـبـر عـتـاب و جـور و جـفـا قـیلسه عیب ایماس
بـیـزدیـن كیـراك كـه وفـاده كـه بـیـر آه بـولـمـسا
آتـیـلمـایین كـونگول غمی، جـان ییتتی ایـرنـیمه
فــریـــاد اگــر بــو حــالــدیــن آگــــاه بــولــمــسا
كون- كون كونگلنی خام طمع قیلمیش ایردی یار
كـوز اوچـیـدیـن كـرشـمـه‌سی گـه- گـاه بولمسا
اولـتـورگـای ایـردی لُطفینی غـم یلـغوزین كوروب
بــالله خــیــالــی حــاضـــر و تــالله بـــولــمـــسـا
ایزی بار...
یازوچی: استاد محمد کاظم امینی
مولانا لُطفی هروی نینگ اجتماعی حیاتی و تیریکچی‌لیگی، کاظم امینی (بیرینچی بولیمی)
مولانا لُطفی هروی نینگ اجتماعی حیاتی و تیریکچی‌لیگی، کاظم امینی (ایکّینچی بولیمی)
هـدف مـا منسجم ساختن روشنفـكـران، فرهنگيان و بالخصوص جوانان با استعداد و مردم با احساس افغانستان در زيـر يك سقـف واحد به خاطـر بـلـند بردن سطـح دانـش و رشـد فـرهـنـگ غـنامـنـد كـشور ميباشد.