کوچ بیرلیک‌ده دور! داکتر نقیب الله قایق قلمی بیلن
تیریك‌لیك هم انسانلردن عجب امتحان‌لر آلهدی، شونده‌ی كه بیران مرتبه انسانلرنی جیم تورگه‌نی و یا حركت قیلگَنی بیر برابر گناه سنه‌‌له‌دی. نیمه قیله‌ریزدی و نیمه ایتَریزدی بیلمهی قاله‌سیز، فشارلر آسمان قدی اوستیزگه كیله‌دی، یمان‌لر یخشی‌لر ساری باریب و یخشی‌لر یمان‌لر ساری كورینه‌دی و آدم عین زمانده هم یخشی و هم یمان بولیب قالهدی.
شونده‌ی حالت‌لرنی سیزلر هم باشدن كیچرگن می سیزلر؟
فاریاب نینگ تینچ‌سیزلیگی مینی شونده‌ی بیر حالت‌ده سالدی. فاریاب‌لیك قوم‌لریم بولسه، مینی اوستیمگه كتته حق‌لری بار و شو حق اساسیده اولرنی حقیدن دفاع ایتیش و امنیت‌لری اوچون كوره‌شیش‌نی اوزیمگه بورچ دیب بیلهمن.
ایندی بیرخیل فاریاب‌لیكلریم اوز جان و ماللرینی، حاضرگی محلی مقام‌لر نینگ بارلیگیده خطرگه كوریب و باشقه بیرخیل فاریاب‌لیكلریم، هنوزگچه تیریك قالگنلرینی انه شو حاضرگی مقام‌لر نینگ بركتی دن دیب بیله‌دیلر.
مقام‌لر نینگ اوزگه‌‌ریلیشی دن علاوه، باشقه ریجه‌‌لر تا هنوزگچه اورته‌‌گه چیقمه‌‌ی قالگن. کرزی و داخله وزیرلیگی بولسه، اوزلری میمنه نینگ، تینچ‌سیز قیلیش‌ده بیل باغله‌‌‌ب اولتیرگن. فاریاب قیینچی‌لیگی، استخباراتی بیر قیینچی‌لیك بولیب و اونگه همسایه‌‌لر و جهانی قدرت‌لرنی قولی بار. مینی توشینیشیمچه حكومت دن امنیت طلب قیلیش بیر بی‌هوده ایسته‌‌‌ك دور، فقط مردم اوزی اتفاق و بیرلیك بیلن قیله‌‌‌آله‌‌دیلر که تینچلیكنی اورته‌‌گه كیلتیرسه‌‌لر.
مركزی حكومت، بلخ، بامیان و پنجشیر گه هم امنیت بارلیگی‌گه خوش ایمَس، اما مردم و باشلیغ‌لری هر قنده‌ی یوللر بیلن بولسه هم، اوز امنیت‌لرینی تأمین قیلگنلر. حاضر فاریاب‌ده- كمیگه سیكیز مینگ عسكر معاش آلهدی، انه شو امكانات‌نی یخشی صورتگه مدیریت قیلیش، اصلی سوال دور، كه بونگه جواب تاپیش اوچون فكر المشتیریش كیره‌ك.
- حاضرگی مقام‌لر قنچه قدر انه شو امكانات‌دن فایده‌لنگن؟
- اگرده ینگی مسووللر تعیین بولسه، قه‌‌یردن بیللَی كه اولر هم بولرنی و حكومتنی استراتیژی سینی دوام بیرسه؟
- ایككی حالت‌ده هم، اینه مردمیمیز اتفاق و بیرلیك‌ده حركت قیلیب هر یوز بیرگن حادثه‌‌‌نی تیكشیریب، محلی مقام‌لرنی تنقید آستیده آلیب، جوابگرلیك گه تارتیش‌لری كیره‌ك. اگر ده هر حادثه‌‌دن كیین بیرته‌‌‌میز مقام‌لرنی مسوول بیلیب و باشقه بیرته‌‌‌میز مقام‌لرنی بی‌گناه بیلسه‌‌ی، او زمان تینچ‌لیكدن امیدیمیزنی اوزیش كیره‌ك، چونكه او مقام كیله‌‌جكده هم اوز وظیفه‌‌سینی بجرمه‌‌‌ی، اوشه طرفدارلریگه ارقه‌‌یین بولیب قالهدی. چنانچه شو یقین‌لرگه فاریاب نینگ بیر مقامی اظهار قیلیب دور، كه مین طرفدارلریم زوری بیلن، وظیفه‌‌مگه قاله‌‌من. اما او آدم باید اَیتسه ایدی كه مین امنیت گه كوپراق توجه ایتیب، كم‌چیلیكلرنی تولدیریب و خدمتیم اساسیده وظیفه‌‌مگه قاله‌‌من. ایندی او آدم اوشه بیر خیللرنی خدمتیگه بولیب، باشقه خلقنی هر كون اولیشی‌گه تماشاگر بوله‌‌دی. بیزلر هم مركز ده نیمه قیلر و نیمه ایتریمیزنی بیلمهی، هله مقام‌لر خلاص بولسین و هله ینگی مقام‌لر كیلسین دیب، بقیریب یوریبمیز. بونده‌ی بیر حالت‌ده بیران كیشی‌لر، هه یخشی ایتینگ و ینه بیران كیشی‌لر، سین اوشه حزبی و قومی گپ‌لرنی كینی‌دن سرگردان سن، دیب تاپّه باسه‌‌‌دیلر.
اوزیم بولسه بونده‌ی ایككی فكرلیك گپ‌لرنی ایشیتگن دن سونگره، بیران مرتبه اوزیمنی اوزیم باش- باشیمگه اوریب یوریمن، كه نیمه‌‌گه جیم بولیب اولتیرمه‌‌یسن و باید جیم توریشنی باشقه وكیللردن اورگن سم، آخر قچان‌گچه حلیم جَرچی دیك جَر اوریب یوریمن و اینه بیران مرتبه غیرت گه كیریب، یخشی قیلدیم ایتیم و اینه هم ایته‌‌‌من و باید اَیتسه‌‌‌م كه فاریاب نینگ قاتلی انه شو مقام‌لر دیر، بو حقیقت دور و حقیقت دن كوز یومگن، كور دن یمان راق و هر كیم بو گپیم‌دن خوشی كیلسه- كیلسین و كیلمه‌‌سه هم قصه‌‌سیگه ایمس من، دیگن گپلر بیلن اوزیمنی اوزیم نصیحت گه باشلهیمن.
هر حالده اوزیمنی قناعت بیرالمه‌‌ی، ینه هم ایچیمنی اوزیم ییماقده باشلهیمن، تورلی واقعه‌‌‌نی خبر بوله‌‌من و اوزیمنی، ینه چَینرگه باشلهیمن و ینه اوز خطا قیلگنیم‌گه اقرار بولیب و ینه بیر دلیل بیلن اوزیمنی برائت بیره‌من. و او بو دور كه مین فاریاب‌لیك بولمه‌‌‌گن هر بیر مقام‌دن حمایت ایتمه‌‌یمن، فاریاب‌لیك انسانلر، فاریاب كدرلری محلی مقام‌لرگه ایشیتیش اوچون هاریمس‌دن تلاش قیله‌‌‌من و خلاصه ایتگن‌ده مین حاضرگی مقام‌لرنی ایسته‌‌مه‌‌‌یمن و خوش من كه باشقه‌‌لر دیك، بیر ملا عمر خیل، بیر طالب قدیمی و بیر اجیر و پاكستان نینگ قُل و غلامیدن حمایت ایتمه‌‌یمن.
بو مینی برنامه‌‌م و بو برنامه‌‌نی مردم‌نی خیریگه دیب بیلهمن، هر قنچه هم كه مینی دیك تورك چیلیك‌نی سینه‌‌سیگه اوره‌دیگانلر قرشی‌لیك بیلدیرسه، اینه هم یولیم‌گه دوام بیره‌من. كیم حق و كیم حق‌سیزلیگینی زمان كورسه‌‌ته‌‌دی و زمان حقیقت‌نی یاشیرمه‌‌سلیگی‌ده ایمانیم بار .
هـدف مـا منسجم ساختن روشنفـكـران، فرهنگيان و بالخصوص جوانان با استعداد و مردم با احساس افغانستان در زيـر يك سقـف واحد به خاطـر بـلـند بردن سطـح دانـش و رشـد فـرهـنـگ غـنامـنـد كـشور ميباشد.