بولوت

فیس بوک، تویتر، وبلاگ و انترنت صحیفه لری نینگ قیمتلی اعضالری سلام!

ملی کینگاش (شورای ملی) ده گی ملت وکیللری نینگ برقی کیملیک (تذکره) لرده ملی هویتنی ذکر ایتیلمسلیگی گه بیرگن قراری، افغانستانده اوزاق عصرلردن بویان یشه ب تورگن تورلی اتنیکی تشکیللر اوچون تاریخی بیر جنایت حسابلنه دی. البته، انه شو مناسبت اوچون فاریاب ولایتی اهالیسی میمنه شهری نینگ «شهردارلیک پارکی» ده خیمه تیکیب، جمعه کونی جوزا آیی نینگ 10 نچی سی باشله ب، انه شو تاریخی و ملی خیانتنی قره لش مقصدیده مدنی اعتراض و ناراضیلیک نمایش نی یولگه قویگنلر. اوشبو حرکت هیچ قنده ی بیر سیاسی گروه و شخصگه باغلیق بولمه ی، میمنه شهری همده فاریاب ولایتی نینگ ضیالی لری، ییگیتلر، اوقیتووچی و اوقووچیلر، عادی فقرا و مدنی جماعه چیلیک باشقرمه و جمغرمه اعضالری تمانیدن اویوشتیریلگن. بو ناراضیلیک و تحصن دن اساسی مقصد افغانستانده گی اوزیگه خاص تاریخ، مدنیت و فرهنگ ایگه سی، اتنیکی تشکیللرنینگ سیاسی اویینلر سببلی اصلی هویتینی یوقه تیب، ساخته شکلده «اوغان» توزه تیش آقیمینی آلدینی آلیش دیر. اوشبو جماعه چیلیک حرکتی یلغوز فاریاب اهالیسی گه باغلیق بولمه ی، بلکه افغانستانده حیات کیچیریب تورگن برچه محکوم ملیتلرنینگ قدریتلریگه تیگیشلی بیر مساله شو اوچون هم بری- بیر اولکه و جهان نینگ هر چیتیده حیات کیچیره یاتگن تیلداش وطنداشلردن انه شو مدنی حرکتینی آرقه داشلیک قیلیشلری اوچون معنوی یاردم سوره یمیز. تورک- اوزبیک لیگیمیز بیزنینگ هویتمیز. انه شو ملی هویتنی سقله ش، بیز اوچون اوتمیشلردن قالگن ملی بورچ و بوینیمیزگه هم فرض و هم قرض دیر.

         عزیز تیلداش، قانداش و وطنداشلر! فاریاب اهالی سی نینگ بو مدنی حرکت و ناراضیلیک نمایشی نی قوله ب- قوتلنگ!