آلتین کَمَلَک ینگی آچیلدی!
«آلتین کَمَلَک» سوزی تورکی سوز بولیب، کوکده گی ییتّی رنگلی کَمَلَک سوزنی انگله تیب، کوکده بهار فصلیده آلتین رنگده تاوله نیب کورینگن رنگلر نهایت گوزه ل و اوزگچه بولیب، خلق اراسیده «کمان رستم»، «رنگین کمال»، «قوس قزح» و «کَمَلَک» سوزلری بیلن ناملنه دی.
«آلتین کَمَلَک» نامی بیلن تانیلگن وبلاگ مقصدی، ییتّی لیک تورکی دولتلریده گی معنویت و معرفت قدریتلرینی ترغیب ایتیش و تورکی خلقلر آرا مدنی و معنوی علاقه باغله ش، دوستلیک مناسبتلرینی کینگه یتیریش، یاش و نوقران ییگیت و قیزلریمیزنی بویوک تورک مدنیتی نینگ یوکسک معنوی بایلیکلری بیلن تانیشتیریش و تورکی تیل الفبا بیرلیگینی یره تیش و ییتّی لیک تورک دولتلرده گی اولکن یادگارلیک و مدنی بایلیکلرینی کیله جک اولاد اوچون تانیشتیریب باریش، بوتون تورکلر نینگ اولوغ و آتاقلی عالملری یره تیب قالدیرگن اثرلری و بویوک تاریخدن لوحه لر بیریب باریش مقصدنی آلدیگه کولده ینگ قیلیب قویگن لیگینی انگله ته دی.
«آلتین کَمَلَک» وبلاگی، حرمتلی استاد عبدالله تاشقین تمانیدین ایجاد ایتیلیب، او کیشی نینگ قلمی بیلن یازیلگن ادبی، مدنی، تاریخی، تحقیقی و علمی مقاله لر مجموعه سی و یا هم باشقه عبارت بیلن ایتگنده، او کیشی نینگ مفکوره لریدن عبارت دیر. وبلاگده یازو و مطلبلر ایکّی (اوزبیکی و دری) تیلده نشر بولیب، اوقوچیلرگه حواله قیلینه دی. وبلاگ نینگ سمبولی آلتین کَمَلَک تگیده، ییتّی تورکی دولتلر بیرلیگی و اولرنینگ بیراغلری کورینه دی، بو سمبول برچه دنیا تورکلری، بیرلیگی دن دلالت قیله دی.
«آلتین کَمَلَک» وبلاگی هیچ قنده ی سیاسی آقیم و جریانلرگه باغلیق و اعضا ایمس و اوزنی مستقل و ایرکین مدنی وبلاگ بیلیب، باشقه لر فکر و ملاحظه لریگه حرمت بیلن قره یدی. وبلاگ نینگ اولکن توشونچه و غایه سی ساغلام اولاد اوچون خدمت قیلیش نیّتی بارلیگی معلوم بوله دی.
بیانی اجتماعی و فرهنگی بنیادی اوشبو وبلاگ نینگ مطبوعات دنیاسیگه کیریب کیلگنینی، استاد عبدالله تاشقین جنابلریگه تبریکله ب، بو ینگی لیکنی برچه افغانستان تورکلریگه قوتلوق بولسین دیب، استادگه «آلتین کَمَلَک» وبلاگی آرقلی، آنه تیلیمیز بوییچه اساسی ایشلرنی دوام ایتدیریشده موفقیت تیله یدی و برچه وطنداشلرنی اوشبو وبلاگنی اوقیشی و اوندن فایده لنیشگه توصیه قیله دی. و البته بوخیرلی ایشنی، افغانستان تورکی خلقلری مدنیتی نی رواجله نتیریش و اولوسیمیزنی اوز فرهنگ، مدنیت و تاریخی بیلن آشنا قیلیش یولیده قوییلگن اینگ اساسی و ثمره لی قدملردن دیب، بها بیره دی.
والسلام، بولوت افغانستان
«آلتین کَمَلَک» وبلاگینی کوریش اوچون قوییده گی رسمنی کلیک قیلینگلر!
هـدف مـا منسجم ساختن روشنفـكـران، فرهنگيان و بالخصوص جوانان با استعداد و مردم با احساس افغانستان در زيـر يك سقـف واحد به خاطـر بـلـند بردن سطـح دانـش و رشـد فـرهـنـگ غـنامـنـد كـشور ميباشد.